Isang Tula

 

By: Allyson Jane Cruz

 

Kay sakit makita ng iyong mapupungay na mata,

Kay sakit na masilayan ang iyong matatamis na ngiti,

Kay sakit na maalala ka.

 

 

Oo ikaw.

Ikaw na minahal ko ng lubusan

Ikaw na pinag alayan ko ng oras at panahon

Ikaw na hanggang ngayon ay mahal ko parin

 

 

Kay sarap alalahanin ng ating mga alaala,

Kay sarap sariwain ng nakaraan

Kay sarap maalala na minahal mo ako.

 

 

 

Minsan mo akong minahal

Minsan tayo ay nagtawanan

Minsan nating hindi inintindi ang iba,

Ang mahalaga ay..

Ikaw. Ako. Tayo.

 

 

Sana ay mayroon paring tayo

Sana ay hawak ko parin ang kamay mo,

Sana ay yakap yakap parin kita

Sana andito ka parin sa tabi ko

Sana ngayon ay hindi ako nagsisisi

 

 

Nagsisisi akong pinakawalan kita,

Nagsisisi akong bumitaw ako sating dalawa,

Nagsisisi akong sumuko ako

Nagsisisi ako. Lalo na ngayong wala ka na.

 

 

Wala ka na.

Wala ng kasiyahan. Puro kalungkutan,

Wala ng ngiti. Puro pighati

Wala ng pagmamahalan. Napalitan ng kalimutan,

Wala na ang dating tayo. Paalam na.

 

 

Paalam na.

Gustuhin ko mang bigkasin ang paalam,

Ngunit puso ko ay hindi pa kayang mamaalam

Hindi pa kayang kalimutan ang lahat,

Dahil ang katotohanan ay..

Hanggang ngayon mahal na mahal kita.